ကျွန်တော့မှာသူငယ်ချင်းတစ်ယောက်ရှိတယ်သူကတော့
ဓါတ်ပုံဒီဇိုင်နာတစ်ယောက်ပေါ့တစ်နေ့မှာ
ဦးလေးတစ်ယောက်ကဓါတ်ပုံပြင်ဖို့အတွက်ပုံလာအပ်တယ်။
သူရိုက်ထားတဲ့ပုံလေးတွေကိုနောက်ခံပြောင်းတာတို့၊
ပုံပြုပြင်တာတို့လာလုပ်ခိုင်းတယ်။သူလုပ်ခိုင်းတာကပြဿနာမဟုတ်ပါ
ပြဿနာကတော့အခုချက်ချင်းလိုချင်တာတဲ့ရွာအပြန်ကားမှီဖို့အတွက်
နာရီဝက်လောက်ပဲအချိန်ရသတဲ့ဗျာ။ပြင်ရမယ့်ပုံတွေကလည်းနည်းနည်း
ဆိုမပြောပါဘူးပုံ(၂၀၀)ကျော်တောင်ရိုက်ထားတဲ့ပုံတွေကလည်း
ဝဏခွါနီးတောင်အရှုံးပေးလောက်တယ်..မျက်စိမှိတ်နေတာနဲ့၊
ခေါင်းစောင်းလည်လိမ်နေတာနဲ့ပြောရရင်တော့
ပြောမဆုံးပေါင်တောသုံးထောင်ပါပဲ။
အဲဒီမှာကိုယ့်လူကလည်းအလုပ်ကလည်းရှုပ်
စိတ်ကလည်းညစ်ညစ်နဲ့ဦးလေးကိုရှင်းပြရှာပါတယ်။
ဦးလေး(၃)ရက်လောက်တော့ကြာမယ်။
ဦးလေးပုံတွေကများလည်းများတယ်ဆိုးလည်းဆိုးတယ်
တော်တော်လုပ်ယူရမှာတစ်ပုံချင်းဆီကိုသေသေချာချာလုပ်ရမယ်ဆိုပြီး
photoshopထဲမှာအစမ်းသဘောနဲ့ဖြတ်ပြတာပေါ့
ဦးလေးကြီးကသဘောပေါက်သွားပုံနဲ့
"ဟ ..မင်းဟာတစ်ပုံခြင်းဆီသေချာဖြတ်ရတာကြာသားပဲ၊အေးအေး
နောက်တစ်ခေါက်လာရင်ငါဖြတ်ပြီးမှယူလာခဲ့မယ်"လို့ပြောတော့
ကိုယ့်လူကလည်းဟန်ကျပြီဆိုပြီးအဲဒါဆိုရင်တော့မြန်တာပေါ့ဦးလေးရယ်
နောက်တစ်ခါဆိုအိမ်ကဖြတ်ခဲ့ရင်အမြန်ဆုံးလုပ်ပေးမယ်လို့ပြောလိုက်တယ်။
နောက်တစ်ပါတ်လောက်ကြာတော့ဦးလေးကြီးပြန်ရောက်လာတယ်။
ငါပုံတွေကိုအိမ်ကဖြတ်လာတယ်ဒီတစ်ခါတော့မြန်ပါပြီကွနော်ဆိုပြီး
ပုံတွေကိုထုတ်ပြလိုက်တယ်။အဲ..အဲ ..ဘာလုပ်လာသလဲသိချင်ကြလား?
(အဲ.......ဦးလေးကြီးကကျကျနနဓါတ်ပုံတွေကို
သေသေချာချာလေးကပ်ကြေးနဲ့ဖြတ်လာပါတော့တယ်)
ကောင်လေးငယ်
No comments:
Post a Comment